Հունիսի 1-ին Լոռու մարզի Թումանյան համայնքի Լորուտի ՆՈՒՀ ՀՈԱԿ-ում  կազմակերպվել է հատուկ միջոցառում՝ նվիրված երեխաների պաշտպանության օրվան:
1. Ես նկարիչ եմ և բնապահպան.
Երեխաները գունավոր կավիճներով  նկարեցին բակում, բացատրեցին իրենց նկարները,  թե ինչպես են պահպանում բնությունը և շրջապատի մաքրությունը:
2.Անցկացվեց նաև  սպորտլանդիա, որի ընթացքում երեխաները ցուցադրեցին իրենց կարողությունները, ուժը, եռանդը,: Նրանց մեջ ձևավորվեց  մրցակցային ոգին, իսկ մրցող թիմերի մեջ  հաղթեց  բարեկամությունը:  Վերջում էլ երեխաները  պարգևատրվեցին պաղպաղակով:    

Հունիսի 7-ին  Թումանյան համայնքի Լորուտի մանկապարտեզում  տեղի ունեցավ հանրագումարային հանդես՝  նվիրված  մայիսյան հաղթանակներին և տարեվերջյան հրաժեշտին:
 Սպիտակ և վարդագույն  գույներով ձևավորված դահլիճում  թևածում էր դպրոց գնացող երեխաների  հրաժեշտի հուզիչ խոսքը : Երեխաները ցույց տվեցին  մանկապարտեզում ստացած իրենց գիտելիքները, կարողությունները , հմտությունները՝ բոլոր մեթոդիկաներից:
Նրանց խոսքի մեջ զգացվում էր մայիսյան հաղթանակների  շունչը, անկոտրում ոգին, զինվորի կամքն ու հայոց հողի բերկրանքը:  Իսկ պարի ու երգի մեջ՝ ազգային կոլորիտը;
Պարզ երևում է, որ  երեխաները ստանում են հայեցի դաստիարակություն և ապրում են հայերեն:  

Սիրելի՛ մանուկներ

Շնորհավորում եմ Ձեզ՝ հունիսի 1-ի առթիվ:Ցանկանում եմ, որ Ձեր աչքերը միշտ փայլեն երջանկությունից, տեսնեն միայն ուրախ ու անհոգ կյանք:Եղե՛ք առողջ ու երջանիկ, նաև արդարացրեք Ձեզ հետ կապված մեր բոլոր հույսերը: Իսկ մենք` մեծերս, կանենք ամեն ինչ, որպեսզի Դուք լինեք լիարժեք պաշտպանված ու երջանիկ: 

Անհոգ մանկություն ձեզ, ի՛մ փոքրիկ բարեկամներ:

Մայիսի 31-ին Թումանյան քաղաքի նախադպրոցական ուսումնական հաստատությունում տեղի ունեցավ ՀՀ անկախության 101-րդ տարելիցին նվիրված միջոցառում, որն անցավ ջերմ մթնոլորտում:Երեխաները լավագույնս ներկայացրին մեր պատմության փառահեղ էջերը:Իրենց ելույթով հերթական անգամ ապացուցեցին, որ հայը կա, պիտի լինի ու դեռ շատանա...

Սիրելի՛ շրջանավարտներ,
Շնորհավորում եմ Ձեզ՝ այս տոնական օրվա կապակցությամբ, որը նշանավորվում է դպրոցական զանգի վերջին ղողանջով: Առջևում շատ ճանապարհներ և բացահայտումներ կան, հանդիպումներ ու հույսեր: Ցանկանում եմ Ձեզ, որ բախտը բարեհաճ գտնվի, որ բոլոր պլաններն անպայման իրագործվեն: Հաջողություններ եմ ցանկանում մանկությունից պատանեկություն տանող ճանապարհին:  

Հարգելի՛ թումանյանցիներ

Շնորհավորում եմ Ձեզ Մայիսյան Եռատոնի կապակցությամբ,մաղթում արևշատություն, անսպառ եռանդ և հայրենաշեն նորանոր գործեր, որոնցով մեր Հայաստան աշխարհը առավել կշենանա ու կհզորանա։ Մեր ժողովրդի կյանքում միշտ էլ եղել են ճակատագրական պահեր ու մարտահրավերներ, որոնց հաղթահարել ենք մեր հզոր կամքով ու միասնականությամբ և շարունակելու ենք նույն կերպ ամրապնդել մեր պետականությունը։ Մեր հաղթանակները ժողովուրդը կերտել է պատմության տարբեր քառուղիներում իր քաջ զավակների ցուցաբերած արիության, խիզախության, հայրենիքի հանդեպ անձնուրաց սիրո շնորհիվ:Այդպես է եղել Մայիսյան Ավարայրին, Մայիսյան Սարդարապատին, Մայիսյան Հայրենականին ու Մայիսյան Շուշիին ...

Միշտ եղե՛ք հաղթանակած, առողջ և հպարտ:

Ամեն տարի ապրիլի 24-ին հայ ազգը ոգեկոչում է Հայոց ցեղասպանության սրբադասված նահատակների հիշատակը: Գլուխ խոնարհելով սուրբ նահատակների հիշատակի առջև՝ մենք պարտավոր ենք միասնական ուժերով վերակերտել Մեր Հայրենիքը: Աշխարհի մոտ երեք տասնյակ երկրներ՝ այդ թվում Ուրուգվայը, Ֆրանսիան, Ռուսաստանը, Շվեյցարիան, Կանադան, Արգենտինան, ինչպես նաև Եվրոպական խորհրդարանը, ամերիկյան 50 նահանգներից 49-ը, տարբեր երկրների տարածաշրջանային, քաղաքային իշխանություններ, միջազգային հեղինակավոր կազմակերպություններ ու կառույցներ պաշտոնապես ճանաչել են Հայոց ցեղասպանությունը: Ոչինչ չի մոռացվում. լույս նահատակաց, ուժ ապրողաց...

16.04.2019-18.04.2019թթ. Թումանյան համայնքի Ահնիձոր բնակավայրում կատարվեցին ճանապարհների բարեկարգման և խճապատման աշխատանքներ: Աշխատանքներն իրականացնում էին համայնքին պատկանող 2 միավոր տեխնիկաներով (1 բազմաֆոնկցիոնալ տրակտոր, 1 բեռնատար ինքնաթափ):
Աշխատանքներին իրենց մասնակցությունն ունեցան նաև գյուղի բնակչությունը: