Զեկ. ՍՈՒՐԵՆ ԹՈՒՄԱՆՅԱՆ

Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 12-րդ հոդվածի 1-ին մասի 13-րդ կետով,  18-րդ հոդվածի 1-ին մասի   25-րդ կետով,  հիմք ընդունելով Հայաստանի Հանրապետության կառավարության 2022 թվականի հունվարի 27-ի N 105-Լ որոշումը և հիմք ընդունելով Թումանյան համայնքի ղեկավարի առաջարկությունը՝
Թումանյան համայնքի ավագանին որոշում է.

1․Թույլատրել Թումանյան համայնքի ղեկավարին՝ համայնքի կարիքների համար համայնքի զարգացման ծրագրի և ՀՀ-ում գյուղատնտեսական տեխնիկայի լիզինգի աջակցության ծրագրի շրջանակներում լիզինգային եղանակով ձեռք բերելու.
1/Գյուղատնտեսական տրակտոր YTO NLX 1404,
2/ մոդուլային սպանդանոց ,
3/խոտամամլիչ SB-55,
4/ ոռոգման համակարգ Dias F-90/500:
2․ 2025 թ․բյուջեից կատարել կանխավճար լիզինգի առարկայի արժեքի 20%-ի չափով։

3․Լիզինգի առարկայի արժեքը կազմում է տրակտորի համար 17,000,000 (տասնյոթ միլիոն)  ՀՀ դրամ, մոդուլային սպանդանոցի համար՝ 16,500,000 (տասնվեց միլիոն հինգ հարյուր հազար) ՀՀ դրամ, խոտամամլիչի համար 4,500,000 (չորս միլիոն հինգ հարյուր հազար) ՀՀ դրամ, ոռոգման համակարգի համար՝ 16,500,000 (տասնվեց միլիոն հինգ հարյուր հազար) ՀՀ դրամ,  լիզինգի առարկայի ընդհանուր արժեքը կազմում է 54,500,000 (հիսունչորս միլիոն հինգ հարյուր հազար) ՀՀ դրամ, որից կանխավճարի գումարը կազմում է 10,900,000 (տասը միլիոն ինը հարյուր հազար) ՀՀ դրամ:

4․Տրակտորի և խոտամամլիչի համար 2025-2031 թթ․, ոռոգման համակարգի համար 2025-2028 թթ,  մոդուլային սպանդանոցի համար 2025-2030 թթ. ընթացքում յուրաքանչյուր տարվա համար համայնքի բյուջեում նախատեսել առնվազն լիզինգի գծով վարձավճարների չափով ծախսային համապատասխան հոդված՝ պահպանելով <<Բյուջետային համակարգի մասին>> ՀՀ օրենքի 30-րդ հոդվածի 2-րդ մասի պահանջները։

5․Լիզինգի վարձավճարների վճարումները նախատեսել յուրաքանչյուր տարի ապրիլից- դեկտեմբեր ամիսներին։

6.Սույն որոշումն ուժի մեջ է որոշման հրապարակմանը հաջորդող օրվանից: