Ղեկավարվելով <<Տեղական ինքնակառավարման մասին>> ՀՀ օրենքի 16-րդ հոդվածի 19-րդ կետով,<<Իրավական ակտի մասին>> ՀՀ օրենքի 56-րդ հոդվածի 2-րդ կետով՝
Թումանյան համայնքի ավագանին որոշում է.
1.Համայնքապետարանի իրավասության շրջանակներում քաղաքացուն տրվող (հաստատվող) փաստաթղթերի համար համայնքապետարանի մատուցած ծառայությունների դիմաց սահմանել փոխհատուցման վճար` հետևյալ չափով `
1)համայնքի բնակիչ համարվող անձանց աշխատավարձ և աշխատանքային հարաբերությունների հետ կապված այլ վճարներ ստանալու, նպաստներ և կենսաթոշակներ, քաղաքացիների բանկային ավանդներ ու փոստային առաքումներ (այդ թվում` դրամական և ծանրոցային) ստանալու լիազորագիր հաստատելու համար`500 դրամ,
2)համայնքի բնակիչ համարվող անձանց տրվող բնութագրերի և երաշխավորագրերի համար` 500 դրամ,
3)տեղեկանքների դիմաց գանձվող վճարի չափ սահմանել` 200 դրամ,
4)տեղեկանքների դիմաց, որոնք վճարվում են անասունների առք ու վաճառքի համար սահմանել` 500 դրամ:
2. <<Թումանյան քաղաքի նախադպրոցական ուսումնական հաստատություն>> ՀՈԱԿ-ի , <<Լորուտ գյուղի նախադպրոցական ուսումնական հաստատություն>> ՀՈԱԿ-ի և <<Քարինջ գյուղի նախադպրոցական ուսումնական հաստատություն>> ՀՈԱԿ-ի կողմից ծնողական վճարի չափ սահմանել` 3500 դրամ:
3. <<Թումանյան քաղաքի մանկականարվեստի դպրոց>> ՀՈԱԿ-ի վարձավճարի չափ ահմանել` 2500 դրամ:
4..Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: |