Գլխավոր էջ

24.12.25 ԲԱՐԻ ԳԱԼՈՒՍՏ ԹՈՒՄԱՆՅԱՆԻ ՀԱՄԱՅՆՔԱՊԵՏԱՐԱՆԻ ՊԱՇՏՈՆԱԿԱՆ ԿԱՅՔԷՋ

Սիրելի՛ այցելու,
Ողջունում եմ Ձեզ Հայաստանի Հանրապետության Լոռու մարզի Թումանյան համայնքի համայնքապետարանի պաշտոնական կայքէջում: Կայքը Ձեզ հնարավորություն կտա ծանոթանալու համայնքի պատմամշակութային ժառանգությանը, համայնքապետարանի ընթացիկ գործունեությանը, մատուցվող ծառայություններին, համայնքում իրականացվող ծրագրերին, համայնքի ղեկավարի և ավագանու որոշումներին: Մեր նպատակն է կայքի միջոցով ապահովել համայնքապետարանի գործունեության թափանցիկությունը: Պատրաստ եմ լսել ձեր դիտողություններն ու առաջարկությունները:
Հուսով եմ, որ դուք այստեղ կգտնեք Թումանյանի համայնքապետարանի գործունեության մասին ամփոփ տեղեկատվություն:

Հարգանքով՝ Թումանյան համայնքի ղեկավար
Սուրեն Վաչագանի Թումանյան

25.08.25 ԱՆՏԱՌԱՅԻՆ ՀՐԴԵՀՆԵՐԻ ԿԱՆԽԱՐԳԵԼՄԱՆ ՄԱՍԻՆ

Հարգելի բնակիչներ, հիշեցնում ենք, որ բուսածածկ տարածքներում հրդեհների կանխարգելման համար արգելվում է`վառել խարույկներ, նետել այրվող լուցկի, չմարված ծխախոտի մնացորդ, որսի համար օգտագործել դյուրավառ և մարմրող նյութերից փամփուշտի խիցեր, ավտոմեքենաները լիցքավորել վառելիքով` աշխատող շարժիչների դեպքում, շահագործել անսարք սնուցման համակարգով մեքենաներ, ծխել և օգտվել բաց կրակից վառելիքով լիցքավորված մեքենաների շրջակայքում, կատարել չոր խոտի, խոզանի այրում, արևով լուսավորվող բացատներում թողնել շշեր, ապակու կտորներ, թողնել (թափել) քսայուղով, բենզինով, կերոսինով և այլ դյուրավառ հեղուկներով ներծծված լաթեր: Համաձայն «Վարչական իրավախախտումների վերաբերյալ» ... Մանրամասն

22.08.25 ՇՏԱԲԱՅԻՆ ՈՒՍՈՒՄՆԱՎԱՐԺՈՒԹՅՈՒՆ ԱՆՑԿԱՑՆԵԼՈՒ ՄԱՍԻՆ

Համաձայն ՀՀ Լոռու մարզպետի 2024թ. դեկտեմբերի 19-ի «Հայաստանի Հանրապետության Լոռու մարզի արտկարգ իրավիճակներում բնակչության պաշտպանության և քաղաքացիական պաշտպանության համակարգերի նախապատրաստման 2025 թվականի հիմնական միջոցառումների պլանը հաստատելու մասին» թիվ 1052-Ա որոշման 7.3.1 կետի ս/թ օգոստոսի 21-ին և օգոստոսի 22-ին ՀՀ Լոռու մարզի Թումանյան համայնքի Թումանյան և Դսեղ բնակավայրերում անց կացվեց « ՀՀ Լոռու մարզի անտառային ու այլ բուսածածկ տարածքներում առաջացած խոշոր հրդեհների մարման աշխատանքների կազմակերպում և իրականացում» թեմայով շտաբային ուսումնավարժություն: Ուսումնավարժությանը ... Մանրամասն

15.08.25 ԵԳԻՊՏԱՑՈՐԵՆԻ ԲԵՐՔԸ ՀԱՍՈՒՆԱՑՄԱՆ ՓՈՒԼՈՒՄ Է

Եգիպտացորենի բերքը հասունացման փուլում է Գարնանը մեկնարկած Թումանյանի համայնքապետարան\ Tumanyan municipalityի, Diaconia Charitable Fund / Դիակոնիա բարեգործական հիմնադրամի և Mensenkinderen հիմնադրամի համատեղ ու ֆինանսավորված ծրագիրը մոտենում է իր կարևոր փուլերից մեկին․ եգիպտացորենի դաշտերը արդեն անցել են աճի հիմնական փուլերը և այժմ գտնվում են բերքի հասունացման շրջանում։ Ոսկեգույն երանգ ստացող ցողուններն ու ծանրացած կոթողները վկայում են կատարված աշխատանքի և հողի պտղաբերության մասին։ Այս նախաձեռնությունը ոչ միայն գյուղատնտեսական աջակցություն է, այլև համայնքի զարգացման և բնակիչների եկամուտների ավելացման հնարավորություն։ Շուտով կմեկնարկի բերքահավաքը, իսկ մինչ այդ շարունակվում են դաշտերի դիտարկումն ... Մանրամասն

12.08.25 Հ Ա Յ Տ Ա Ր Ա Ր ՈՒ Թ Յ ՈՒ Ն

Հարգելի՛ բնակիչներ,

Տեղեկացնում ենք, որ օգոստոսի 13-ին, ժամը 10։00-17։00 ընկած ժամանակահատվածում #Թումանյան քաղաքում, ինչպես նաև #Մարց, #Ահնիձոր և #Քարինջ բնակավայրերում կիրականացվեն շչակների գործնական փորձարկման աշխատանքներ։

Այս ընթացքում շչակների միջոցով կհնչեն #ընդհատվող_ձայնային_ազդանշաններ, որոնք կշարունակվեն 2-3 րոպե տևողությամբ։ Փորձարկման նպատակն է ապահովել շչակների և ազդանշանային համակարգի կարգին ու պատրաստ լինել արտակարգ իրավիճակների ժամանակ արագ և արդյունավետ տեղեկացման համար։

Խնդրում ենք այս ձայնային ազդանշաններին խուճապի չմատնվել և նկատի ունենալ, որ սա փորձարկում է։ Բացի այդ, խնդրում ենք զգուշություն պահպանել և անհրաժեշտության դեպքում հետևել պաշտոնական հաղորդագրություններին։

07.08.25 📣 ԱՄԱՌԱՅԻՆ ՎՐԱՆԱՅԻՆ ՃԱՄԲԱՐԸ ՄԵԿՆԱՐԿԵԼ Է

Դսեղի ՏՈՒԿ կենտրոնում արդեն մեկնարկել է «Դիմակայուն Թումանյան. Դիմակայունության ձևավորումը համայնքի ինտեգրման և փախստականներին աջակցության միջոցով» ծրագրի շրջանակում կազմակերպվող ամառային վրանային ճամբարը։

Ճամբարին մասնակցում են Լեռնային Ղարաբաղից բռնի տեղահանված և Թումանյան համայնքի երեխաները՝ 10-13 տարեկան։

Այստեղ նրանք՝

Սովորում են համատեղ խաղալ, ճանաչել միմյանց ու ընկերանալ

Զարգացնում են դիմակայունություն և թիմային համագործակցություն

Մասնակցում են վարպետաց դասերի, խաղերի, արշավների և հոգեբանական աջակցություն ստանմում:

05.08.25 ՀԱՅՏԱՐԱՐՈՒԹՅՈՒՆ

Հարգելի՛ բնակիչներ,«Գազպրոմ Արմենիա» ՓԲԸ-ն տեղեկացնում է, որ «Վանաձոր-Ալավերդի» DN700 մայրուղային գազատարի կապիտալ նորոգման աշխատանքների իրականացման նպատակով,օգոստոսի 6-ին, ժամը 09:00-ից մինչև օգոստոսի 7-ը, ժամը 21:00-ն կդադարեցվի գազամատակարարումը հետևյալ բնակավայրերում՝ Թումանյան քաղաք Լորուտ Մարց Դսեղ Քարինջ ՉկալովԴադարեցումը կազդի նաև հետևյալ գազասպառողների վրա՝ «Թուֆենկյան Հոսփիթալիթի» ՍՊԸ-ի հյուրանոցային համալիր ՔՈԱՖ ԱՄԱՐԹ կենտրոն «Սարգիս» և «Ձաղիձոր» ՍՊԸ-ների ԱԳԼՃԿ-ներ Եւ նշված բնակավայրերում գործող այլ հանրային և տնտեսական նշանակության կազմակերպություններ։Ընկերությունը հայցում է գազասպառողների ներողամտությունը՝ պատճառվող անհարմարությունների ... Մանրամասն

02.08.25 ՃԱՆԱՊԱՐՀՆԵՐԻ ՀԱՐԹԵՑՄԱՆ ԱՇԽԱՏԱՆՔՆԵՐ

Օրեր առաջ տեղացած հորդառատ անձրևները լուրջ խնդիրներ էին առաջացրել Թումանյան քաղաքի Գարադոկ թաղամասում։ Անձրևաջրերի հոսքը վնասել էր թաղամասի ճանապարհները, և փողոցները դարձել էին գրեթե անանցանելի։

Համայնքի ղեկավարի հանձնարարականով անմիջապես իրականացվել են վերականգնողական աշխատանքներ։

Ճանապարհը մաքրվել է

Կատարվել են հողով հարթեցման աշխատանքներ՝ անցանելիությունը վերականգնելու նպատակով:

Համայնքապետարանը շարունակում է հետևել տեղում իրավիճակին և անհրաժեշտության դեպքում պատրաստ է նորից արձագանքել՝ մարդկանց անվտանգությունն ու հարմարավետությունը վերականգնելու նպատակով։

01.08.25 ԲԱԿԵՐԻ ԲԱՐԵԿԱՐԳՈՒՄ

Համայնքի ղեկավար Սուրեն Թումանյանի հանձնարարությամբ Թումանյան քաղաքի Գարադոկ թաղամասում կազմակերպվել են տարածքի մաքրման և բարեկարգման աշխատանքներ։ Մաքրվել են թաղամասի շենքերի բակերը։

Իրականացված աշխատանքներին միացել է նաև Թումանյան քաղաքում գործող Diaconia Charitable Fund / Դիակոնիա բարեգործական հիմնադրամի ամառային ճամբարի կամավորական թիմը։ Երիտասարդ կամավորները մեծ պատասխանատվությամբ մասնակցել են մաքրման աշխատանքներին՝ հատկապես 15-րդ փողոցում և հարակից բակում գտնվող եղևնու տարածքում։

Շնորհակալություն բոլոր նրանց, ովքեր մասնակցել են համայնքի բարեկարգման այս նախաձեռնությանը՝ սեփական ներդրումն ունենալով մեր քաղաքի մաքուր և խնամված միջավայրի ձևավորման գործում։

30.07.25 ՀԱՅՏԱՐԱՐՈՒԹՅՈՒՆ

Ամառային Վրանային Ճամբար Թումանյանում «Դիմակայուն Թումանյան. Դիմակայունության ձևավորումը համայնքի ինտեգրման և փախստականներին աջակցության միջոցով» ծրագրի շրջանակներումՍիրով տեղեկացնում ենք, որ մեկնարկում է ամառային վրանային ճամբարը, որը նախատեսված է Լեռնային Ղարաբաղից բռնի տեղահանված երեխաների և Թումանյան համայնքի տեղացի երեխաների համար։Ճամբարը նպատակ ունի՝ Նպաստել երեխաների միջհասարակական շփմանը և ինտեգրմանը Զարգացնել դիմակայունություն և թիմային համագործակցություն Ստեղծել անվտանգ, ընկերական և զարգացնող միջավայրՃամբարի ընթացքում սպասվում են․ Ստեղծագործական և ուսուցողական վարպետաց դասեր Խաղեր, արշավներ և բնության հետ ակտիվ շփում Թիմային նախագծեր և սոցիալական արժեքների ձևավորում ... Մանրամասն

1 2 3 4 5 6 7 8 9 10 ...