Զեկ. ԼԵՎՈՆ ԶԱՎԱՐՅԱՆ

 Ղեկավարվելով <<Տեղական ինքնակառավարման մասին>>Հայաստանի Հանրապետության օրենքի 18-րդ հոդվածի 1-ին մասի 18-րդ կետով, <<Տեղական տուրքերի և վճարների մասին>> Հայաստանի Հանրապետության օրենքի 8-րդ, 9-րդ, 10-րդ, 11-րդ, 12-րդ, 13-րդ, 14-րդ հոդվածներով ,<<Նորմատիվիրավական ակտերի մասին >>Հայաստանի Հանրապետության օրենքի 56-րդ հոդվածի 2-րդ մասով, 72-րդ հոդվածի 1-ին մասի 1-ին կետի գ) ենթակետով ,հիմք  ընդունելով  բազմաբնակարան շենքերի բնակարանատերերի  հետ  կնքված մատուցվող ծառայությունների  թվով  1-150 , իրավաբանական և ֆիզիկական անձանց  հետ  կնքված կենցաղային աղբի տեղափոխման  համապատասխանաբար թվով  1-8 և 1-800 երկկողմ պայմանագրերը `
Թումանյան համայնքի ավագանին որոշում է.

1.Սահմանել Հայաստանի Հանրապետության Լոռու մարզի Թումանյանի քաղաքային համայնքում 2019 թվականի համար տեղական տուրքերի և վճարների տեսակները և դրույքաչափերը՝ համաձայն հավելվածի:
2.Սույն որոշումը օրենքով սահմանված կարգով ներկայացնել Հայաստանի Հանրապետության արդարադատության նախարարություն պետական իրավական փորձաքննություն անցկացնելու համար:
3.Ուժը կորցրած ճանաչել  Թումանյան համայնքի ավագանու 2018 թվականի մարտի 23-ի <<Հայաստանի Հանրապետության Լոռու մարզի Թումանյանի քաղաքային համայնքում  2018 թվականի համար տեղական տուրքերի և վճարների տեսակները և դրույքաչափերը սահմանելու մասին>> թիվ 12-Ն որոշումը:
4.Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: